De Guatemala a Guatepeor

Ez du merezi gaur Imanol Lasa EAJren ordezkariarekin egindako bileraren kronikan luzatzerik. Udaleko ordezkariekin egindako bi bilerak horrela joan dira, de Guatemala a Guatepeor. Alkatearekin egin genuen bilera ona iruditzea lortu du alkateordeak. Gutxienez alkateak ez zuen astakeriarik esan bere posizio politikoa zuritzeko.

Ez gaude ohituta hain denbora gutxian hainbeste disparate entzutera. Hemen muestra labur bat: Gezurra omen da erraustegiak kutsakorrak direnik; zaborra erretzea tabakoa erretzea baino osasungarriagoa omen da;

Zarautz Zero Zabor: “Alkatearekin eta alkateordearekin bilera bana eskatu dugu”

Zarautz Zero Zabor taldeko kideak Udaletxean izan gara gaur alkatearekin eta alkateordearekin bilera bana eskatzeko.

Zarautz Zero Zabor taldearen bitartekaritzarekin azaroaren 5ean zarauztarron ordezkaritza zabal batek akordio bat sinatu genuen. Bertan geunden Eusko Alkartasuna, Ezker Abertzalea, Aralar, Ezker Batua, ELA, LAB, CCOO, Greenpeace, Gipuzkoa Zero Zabor, Ekologistak Martxan, Pagoeta Mendizale Elkartea, Arkamurka Natur Taldea eta Uztaro kooperatiba. Akordio horretan Udalari hondakinen kudeaketa arduratsu bat eskatzen genion, herrian Zero Zabor programa bat martxan jarriz eta Gipuzkoako Foru Aldundiari errauste programan moratoria eskatzeko.

Gure proposamenak Udalaren erantzunik jaso ez duenez, Jon Urien alkatearekin eta Imanol Lasa alkateordearekin biltzea eskatzen dugu, gai honen inguruan Udalak duen ikuspuntua azalldu diezaiguten. Izan ere, herritarron parte hartze prozesu bat abian jarri da, eta funtsezkoa iruditzen zaigu Udala ere prozesu horretan egotea.

Akordioaren orria ikusi nahi izanez gero, Udaleko erregistroan sartu dugu, edozein herritarrek ikusteko aukera izan dezan.