ATEZ ATEKOAREKIN ZERO ZABORRERANTZ

URTETARA IRTEERA, LARUNBATA 25, 10etan GURIAN

Kaixo arratsaldeon,

Zarautz Zero Zaborreko kideok Arkamurka natur taldeko kideekin batera bildu gara larunbateko ekimenaren berri emateko. Abenduan bigarren eskuko azoka antolatu ondoren, orain Urtetako zabortegian jarri nahi izan dugu arreta. Gure helburua zero zabor filosofia herriratzea da eta horretara bideratzen ditugu gure ekimen desberdinak.

Hondakinen gaia osotasunean aztertu eta eztabaidatu behar da, ez da mugatzen hondakinen bilketa sistemara bakarrik. Arazoa ez da bukatzen gure zabor poltsa (bereiztu gabe bilduriko hondakinak) edukiontzi berdean botatzen dugunean, orduan gehienez ere arazoa ezkutatu egiten da. Ez da bide luzea egin behar gure zabor poltsak non bukatzen duen ezagutzeko, zaborra biltzen duten kamioien joan etorri etengabea jarraitzea nahikoa da Urtetako zabortegira iristeko.

Gure etxeetan gutako bakoitzak sortutako zaborra (bereiztu gabe bilduriko hondakinak), guretzat arazo dena, begi bistatik kendu eta Urtetako zabortegira eramaten dugu, bide batez bertan beste hamaika arazo eta nahigabe eraginez.

Larunbateko ekimenarekin errealitate hau ikustaraztea dugu helburu. Honetarako, Urteta auzora txangoa antolatu dugu Arkamurka natur taldeko kideekin batera.

Egitaraua eta ibilbidea ondorengoak izango dira:

• Goizeko 10etan elkartuko gara Guria tabernaren aurrean. Irteera bi ordu ingurukoa izango dela aurreikusten da.
• Benta auzotik joanda, Argoain auzoa zeharkatu, Borda pasa eta Amezmendi inguratuz zabortegira iritsiko gara.
• Bertan, zabortegiaren kronologiatxo bat egingo da, egungo egoera azaldu eta etorkizunerako aukera bideragarriak proposatuz.
• Zabortegia atzean utzita, Oiarte baserrirantz bideratu, ondoren Kortabururantz jo eta azkenik Urteta auzora iritsiko gara.
• Auzoko elkartean hamaiketakoa.
• Bukatzeko, Urteta auzotik herrirako bidea hartuko dugu txangoari amaiera emanez.

Hortaz, herritar denak gonbidatuta zaudete txango honetan parte hartzera. Otsailak 25 larunbata, goizeko 10etan Guria tabernaren aurrean.

HITZA: “Herritarren interesa piztu du Jasangarritasun Azokak”

Egia da Hitzak esan duena. Goiz guztian zehar herritar asko hurbildu zaizkigu jarri ditugun 7 estanetara eta dinamika politak sortu dira. Jendeak interesa badauka atez atekoaren inguruan, erraustegiaren inguruan, produktu ekologiko eta jasangarrien inguruan… gehiago jakin nahi du, hobeto bizi nahi duelako. Antolatzaileak ere gustora aritu gara, eguraldiak ere lagundu digulako. Datorren urtean berriz egin beharko dugu, eta ahal bada hobe.

Eskerrik asko hurbildu zareten herritar guztioi.

Larunbatean I. Jasangarritasun Azoka

Zarautz Zero Zabor taldeak larunbat honetarako (Maiatzak 21) Jasangarritasun Azoka antolatu dugu. Azokak, Zero Zabor filosofiarekin bat egiten duten hainbat eredu eta
ekimen ezagutzeko aukera bikaina eskeiniko du. Azokan besteak beste, ondorengo gaiak landuko dira gune ezberdinen bidez:

•Hondakinen gestioa, Konpostaia eta Erosketa eta Zaborrak aztertzeko guneetan.

•Adituen txokoan, atez ateko bilketa edo erraustegiaren inguruan adituak diren hainbat pertsona, guztion zalantzak argitu eta galderak erantzuten egongo dira.
•Umeentzako txokoan, material ezberdinak berrerabiliko dira hainbat eskulan eta jolasen bidez.
•Uztaro kooperatibaren eskutik autogestioan oinarritutako kontsumo eredua ezagutaraziko da.

•Azkenik, doako postuan, behar ez ditugun “gauzak” utzi edo behar ditugunak doan jasotzeko aukera eskeiniko da.

Giroa alaitzeko salda beroa eta pintxoak jateko aukera ere egongo da. Besterik gabe, larunbat goizean Udaletxe plazan izango gara, 11:00tatik 13:00tara, eta herritar denak gonbidatuta zaudete Jasangarritasun azokara inguratu eta bertako giroaz gozatzera.

Ez daukate Urteta ixteko asmorik

Egun hauetan email bidez dokumentu bat bolo-bolo ari da zabaltzen. Gipuzkoako Hondakinen Kudeaketa eta Banesto eta Caixaren arteko hitzarmenaren zirriborroa da, zeinetan finantziatu beharreko azpiegiturak zerrendatzen diren. Dokumentu horretan GHKk Urtetako zabortegia HANDITZEKO finantziazioa hitzartzen duela irakurtzen da. GHKk orain arte Urteta itxi eta zigilatu egingo duela agindu die herritarrei baina argi dago euren asmoa Urtetako zabortegia irekita mantentzea eta handitzea dela. Herritarrei gauza bat esaten digute, baina banketxeekin kontrakoa sinatzen dute.

Urtetako bizilagunek, eta zarauztarrek oro har, azalpenak merezi ditugu. Urteta berreskuratu beharrean, Urtetan zabortegia mantentzea edo transferentzia planta bat egitea pentsatzen ari dira. Ez daukate zabortegia ixteko inolako asmorik, ez dirurik. Zergatik ezkutatzen dizkigute euren asmoak herritarroi? Hori horrela bada Urtetako auzokideek eta zarauztarrek oro har, zabortegiko kutsadura, usainak, kamioien joan-etorriak, animaliak, eta abar, luzaroan jasan beharko ditugu. Urteetan kontrakoa sinistarazten jardun zaizkigunean.

Gure esku dago, berriz ere

Maiatzeko hauteskundeetan erabakiko da gipuzkoarrok datozen 25 urtetan hondakinak erre nahi ditugun edo zero zabor programak martxan jartzea nahiago dugun. Unea aprobetxatu behar dugu. Gure bozka baliatu behar dugu birziklatzearen eta osasunaren alde egiteko. Horregatik, zarauztarrei botua arduraz emateko eskatu nahi diegu.

Hondakinak birziklatzearen aldekoak Zarautzen gehiengoa garela erakutsi behar dugu. Oraingoan, eta unearen garrantziaz jabetzen garelako, Zarautz Zero Zabor taldeko kideok zarauztarroi eskatu nahi dizuegu botua emateko Usurbilgo Ituna sinatu zuten alderdiei: Eusko Alkartasuna, Ezker Abertzalea, Aralar, Ezker Batua.

Foru Aldundian gehiengoa lortuz gero automatikoki Gipuzkoak 180 graduko aldaketa emango luke hondakinen kudeaketan. Eta Foru Aldundian bakarrik ez, Zarauzko Udalean gehiengoa lortzea ere garrantzitsua da, herrietan zero zabor programak martxan jarrita erraustegia jatekorik gabe utziko genukeelako.

Kontrara, ez eman botua erraustegiaren lobby bihurtu diren alderdiei: EAJ, PSE, PP eta HamaikaBat. Alderdi horiek hondakinak erre egin nahi dituzte. Horregatik, ez diegu erakundeetako aulkietan esertzen utzi behar. Ez diegu bozkatu behar.

Errauste-planta geratzea posible da. Erabakia, orain, berriz ere, gure esku dago. Baliatu dezagun gure bozka errauste plantari planto egiteko.

(Berrian atera da gure oharra)

Alfonso del Val

Para l@s que no pudisteis venir a la charla de Alfonso del Val, este video-resumen de dos minutos:

Julia San Jose medikuaren hitzaldia ostegunean

Gaia bolo-bolo dabil kalean. Hementxe 10 kilometro baino gutxiagora errauste planta pozoitsu eta erraldoi bat jarri nahi digute eta jendeak jakin nahi du, nola eragingo digu? Kalterik eragingo dit osasunean? Zer dira dioxinak? Nola funtzionatzen dute? …

Politikari batzuk lasaitu nahian ari zaizkigu. Errauste plantek ez diotela osasunari kalterik egiten esaten dute. Imanol Lasak, adibidez, erraustegiak su artifizialekin konparatu zituen, ez dutela kalterik eragiten esateko. Fidatzen gara? Amiantoak ere ez zuela kalterik eragiten esaten jardun ziren 17 urtez eta begira. Beranduegi denean eta atzera bueltarik ez duenean egia esateak ez du balio. Egia orain jakin behar da, informazio osoa orain behar da, proiektua geratzeko eta alternatibak eraikitzeko moduan eta tamainan gaudenean.

Horregatik, bereziki garrantzitsua da osteguneko hitzaldia. Julia San Josek urteak daramatza erraustegien kalteak aztertzen eta bera medikua izanik, osasunaren ikuspuntutik ikuspegi profesionala eman dezake. Zarauztar guztiak gonbidatzen zaituztegu, ostegun honetan, 19:30tan antonianoko areto nagusian izango den hitzaldira etortzeko. Zarauztarroi Zubietako erraustegiak eragingo lizkiguken kalteen berri jakiteko aukera da. Hitzaldia gazteleraz izango da.

Ostiral honetan Alfonso del Val-en hitzaldia Zarautzen

“II. Zero Zabor Jardunaldiak Atez Atekotik Zero Zaborrera, errausketarik gabe” apirilaren 1 eta 2an burutuko dira Bergaran, Zarautzen eta Usurbilen. Hizlari konbidatuak Alfonso del Val eta Joan Marc Simon izango dira. Alfonso del Valek jorratuko ditu “Errauste planta batek eragindako kutsadurak eta hauen kontrolak”
eta Joan Marc Simonek “Errausketaren kontrako eta Zero Zaborren aldeko mugimenduak Europan eta munduan”. Egitaraua honela dago antolatuta:

Apirilaren 1ean, ostirala:

– Bergaran: Joan Marc Simon (Udal pleno-aretoan, arratsaldeko 19:00tan).
– Zarautzen: Alfonso del Val (Antoniano aretoan, arratsaldeko 19:30tan).

Apirilaren 2an, larunbata:

– Usurbilen: Alfonso del Val eta Joan Marc Simon (goizeko 10:30etan, Sutegin).

(Hitzaldiak gaztelaniaz izango dira)

I. Jardunaldiak 2009ko martxoan izan ziren Hernani, Oiartzun, Urnieta eta Usurbilen, “Atez Ateko bilketatik Zero Zaborrerako bidean” lelopean. 2009koan konbidaturik etorri ziren Italiatik Rossano Ercolini (Ambiente Futuro) eta Roberto Cavallo (Erica), eta Kataluniatik Josep Maria Tost (Associació de Municipis Catalans per á la Recollida Porta a Porta), Assumpta Boba (Argentonako zinegotzia) eta Ignasi Puig (ENT).

II Jardunaldietan Errauste planten kontrolean (zehazkiago, kontrolik ezean) eta errausketaren kontra mundu osoan zabalduta dagoen mugimenduaren ezagutzan zentratuko gara. Horretarako bi aditu konbidatu ditugu.

Alfonso del Val Madrildik etorriko da, baina Euskal Herrian hondakinekin bizi ditugun arazoak barrutik ezagutzen ditu. Aspalditik agortuta dagoen (edizio berria prestatzen ari da) “El libro del Reciclaje” klasikoaren egilea da del Val. 1970 eta 1980ko hamarkadetan, Iruñerrian hondakinen murrizte, berrerabiltze eta birziklatzeko antolatu ziren plan eta egituretan parte hartu zuten sustatzaileetakoa da. Gero, Gipuzkoako Diputazioak PIGRUG famatua onartu zuenean, Ezker Batuak eskatuta haren analisi zorrotza egin zuen: “Insisto, soy verde. Análisis crítico del Plan Integral de Gestión de Residuos Urbanos de Gipuzkoa 2002-2016 y propuesta alternativa ambientalmente más respetuosa”.

Ingurumen eta hondakin gaietan aditua (Gea21 Grupo de Estudios y Alternativas taldean ari da lanean), duela urte gutxi perito judizial lanetan aritu zen Madrilgo fiskaltzak eskatuta Valdemingomezko errauste planta ikertzen, bertan kutsadura oso larria nola eta zergatik gertatu zen aztertzeko, epaileak ikerketa bertan behera utzi zuen arte. Joan den irailean Nafarroako Parlamentuan izan zen, hango hondakin planen eztabaidarako deituta, eta parlamentariei azaldu zien zein diren errauste plantetan kutsadurak neurtu eta ekiditeko dauzkaten kontrolak (eta batik bat kontrolik ezak). (Alfonso del Valen lanez informazio gehiago hemen).

Joan Marc Simon Bartzelonakoa da eta Bruselasen egiten du lan, zenbait erkunderen aholkularitzan eta GAIA errausketaren aurkako munduko mugimenduaren Europako ordekaritzan. 2007an Hondarribian mintzatu zen, Ekologistak Martxan taldearen eskutik GAIAk hemen munduko biltzarra ospatu zuenean; orduan puri-purian zegoen Txingudiko errauste planaren proiektua.

Hondakinen eta errausketaren gaietan aditua da Joan Marc Simón, eta artikulu oso mamitsuak plazaratu ditu honetaz. Oso ezagunak dira Simónek errausketaren inguruko mito batzuk (enpresa handiek eta hauen morroi politiko, tekniko edo komunikatzaileek haizatu dituzten mitoak) larrutuz publikatu dituen idatziak, errauste planten balantze energetikoaz, ingurumenari egiten dioten kalteez, eta abar. (Ikusi hemen, hemen eta hemen Joan Marc Simonen hiru artikulu).

Musika Plaza atzo, beteta, flashmoba dantzatzen

Flashmobaren entsegua egin genuen atzo Barren plazan eta Musika plazan eta bietan sekulako giroa jarri genuen. Hemen daukazue bideo hau, kalitate kaxkarrekoa, baina atzo bizitako une eder horiek jasotzen dituena. Herri guztietan koreografia zenbat lagun ari diren ikasten ikusita, itxaropena hazten ari zaigu. Martxoaren 20an Zubietan mundu oso bat elkartuko gara, ‘hartu nahi dut arnas’ dantzatzera.

Larunbatean 19:00tan Barren Plazan entsegua

Iñauteri egunean kolorez beteko dugu Barren Plaza, FLASHMOB dantzaren entsegua egingo baitugu 19:00tatik 20:00tara.

Aste honetan hasi gara herrian kuadranteak betetzen (10 laguneko taldeak) eta horiek guztiek dantza ikasteko aukera daukate larunbat honetan. Azken egunerarte dantza ikasi gabe egon nahi ez dutenek, beraz, larunbat honetan daukate aukera ederra, mozorrotuta edo gabe, umore onean, flashmob saioa egiteko.

Entseguan bertan ere banatuko ditugu kuadranteak. Hortaz lagun kuadrila, edo plaierotako taldea edo…, martxoaren 20an Zubietan dantza egiteko zuen kuadrante propioa izateko aukera daukazue. Ez duzue Fred Astaire izan behar, martxoaren 20an zuen kuadrantea beteta egon dadila konpromisoa hartzeko bakarrik eskatuko zaizue.

Larunbatean atez atekoa ezagutuko dugu

Larunbat honetan txangoa antolatu dugu Usurbilera, atez ateko hondakin bilketa ezagutzera. Badakigu bilketa sistema honekin %20tik %80ra igotzen da birziklatze kopurua. Gainera gai organiko guztia jasotzen da, zabortegietan kalte gehien egiten duen gaia alegia. Abantaila nabarmenak dira. Hainbestekoak ze haren aurkariek kanpaina gogorra egin behar izaten duten, herritarrak aurka jartzeko. Diario Vasco eta Noticias Taldea erabiliz, beldurraren estrategia erabiltzen dute, atez atekoa desitxuratzeko. Propagandaren aurrean ordea zuzeneko ezagutza daukagu. Bertara joan eta ikusi. Usurbilera joan eta usurbildarrekin hitz egin. Galdetu ea zer moduzko bilketa den. Eragozpenak eta bentajak zein diren. Eta horixe egingo dugu larunbat honetan. Sistema ezagutu eta erabiltzaileak ezagutu. Asko hitz egiten dugu atez atekoari buruz, askotan ezagutu gabe. Larunbat honetan aukera daukagu bilketa sistema bertatik bertara ezagutzeko. 9:08ko trenean sartu eta Usurbilera. Gonbidatuta zaudete.

Zenbat?

BERTSO MOB saioaren lehen irudiak

Hernaniko Larre Gain sagardotegia bete egin genuen aurreko ostiralean, Gipuzkoa osotik etorritako kideekin, asko zarauztarrak, flash mob txiki bat egin genuen, bertsotik bertsora. Ederra izan zen ekitaldia, bikain atera zelako. Hemen dauzkazue dantzaren lehen irudiak. Igandean Hitzetik Hortzera saioan erreportai luzeagoa egingo dute. Adi beraz.

Entsegu inprobisatua Alprojaren lokalean

Martxoaren 20a hurbiltzen ari den eran, entseguak han eta hemen biderkatzen ari dira. Inork ez du dantza jakin gabe geratu nahi. Hemen daukazue Mikelek bidali digun bideoa, Alprojako lokalean egin zuten entsegua erakusten duena. Aupa zuek!!

Bosgarren edukiontziak negargarri funtzionatzen du

Behin eta berriz esan dugu. Bosgarren edukiontzia garestia da eta emaitza kaskarrak ematen ditu. Hilabetean 11 tona organiko jasotzen dira Zarautzen batazbeste, horrek esan nahi du 500 inguru familik bakarrik erabiltzen dutela (Zarautzen 9.000 famili inguru izango gara). Giltza gehiagok izango dute, noski, baina horrek ez dio inporta, azken batez Urtetara 11 tona organiko gutxiago bakarrik bidaltzen dugulako, urtean milaka euroko gastua egin ondoren. Udal Gobernua porrota ezkutatzen eta ukatzen ibili da orain arte baina badirudi ezin diotela gezurrari gehiago eutsi. Ohar bat atera behar izan dute herritarrei bosgarren edukiontzia ondo erabiltzeko eskatuz.

Porrot egin duten bilketa sistemak apaintzen ibili beharrean bilketa sistema eraginkorrak hautatu beharko lirateke. Zergatik ez da planteatzen hilean 11 tona organiko jaso beharrean zarautzen sortzen dugun hondakin organiko guztia jasotzea? Zarauzko eta zarauztarron ezaugarriak kontuan izanik erraza litzateke.

Udalbatzar honek ez gaitu erraustegitik babesten

Atzoko udalbatzarrean Zarautz Zero Zaborreko kide den Ekai Txapartegik  hartu zuen hitza. Zarautz Zero Zabor taldeak hondakinen gaian “ahalik eta akordio zabalena” bilatzen duela berretsi zuen eta berriz ere gonbidapena luzatu zien errausketaren aldeko alderdiei “herriko akordio zabalean” parte har dezaten. “Erraustegiaren aldeko alderdiak bakarrik geratu zarete akordiotik kanpo. Gure asmoa ez da eztabaida politikoetan sartzea, hondakinak ondoen kudeatzea baizik. Horregatik, gure borondate onenarekin, lehen bezala orain, herrian lantzen ari garen akordio zabal horretan parte hartzera gonbidatu nahi zaituztegu“. Gonbitea jasotzen duen bideo zatia hemen:

Ondoren, …

Gizartearen akordio zabalari alderdikeriz erantzun dio Udalak

Zarautz Zero Zabor taldea alkatearekin eta alkateordearekin bildu ondoren, eta gaur erraustegiaren aldeko mozioa onartuko dutela-eta, gure harridura erakutsi nahi dugu, gai sozial bat modu traketsean politizatzeko saiakera ikusten dugulako.

Azaroan Zarauztarron gehiengo soziala osatzen dugun alderdi, sindikatu eta gizarte eragileek akordio bat sinatu genuen: EA, Ezker Abertzalea, Aralar, Ezker Batua, ELA, LAB, CCOO, Arkamurka, Uztaro, Pagoeta Mendizale elkartea, Greenpeace, Ekologistak Martxan, Gipuzkoa Zero Zabor eta gu geuk. Udalari eskakizun zehatzak egin genizkion:

–       Urteta ixtea

–       Diputazioari moratoria eskatzea errauste programa 6 urtez gera dezan.

–       Herrian Zero Zabor progama bat garatzea, atez atekoa zutabe izango duena.

Akordio horren aurrean Udalak ez zigun erantzunik eman. Horregatik, Udal ordezkariekin biltzea eskatu genuen.

Bilera horietatik ateratzen dugun ondorio nagusiena da H1 eta EAJ alderdiek eztabaida politizatu egin nahi dutela. Guri hori ez zaigu ondo iruditzen. Hondakinen gaia ez da gai politikoa, gai soziala da, guztioi eragiten digulako.

Berdin dio gure ideologia, gure joera politikoa, hitz egiten dugun hizkuntza, erlijioa edo azalaren kolorea. Guztiok sortzen dugu zaborra eta errauste-planta martxan jartzen bada ke toxikoak guztiak modu berean kutsatuko gaitu.

De Guatemala a Guatepeor

Ez du merezi gaur Imanol Lasa EAJren ordezkariarekin egindako bileraren kronikan luzatzerik. Udaleko ordezkariekin egindako bi bilerak horrela joan dira, de Guatemala a Guatepeor. Alkatearekin egin genuen bilera ona iruditzea lortu du alkateordeak. Gutxienez alkateak ez zuen astakeriarik esan bere posizio politikoa zuritzeko.

Ez gaude ohituta hain denbora gutxian hainbeste disparate entzutera. Hemen muestra labur bat: Gezurra omen da erraustegiak kutsakorrak direnik; zaborra erretzea tabakoa erretzea baino osasungarriagoa omen da;

El vertedero no cumple la ley

Los vecinos de Urteta han dicho basta. Y han dicho bien. El programa España Directo se hizo eco de su denuncia y parece que eso ha sacado a la luz un problema que llevan meses denunciando. El montón de basuras sin tapar ha alcanzado los 30 metros de altura. La situación se ha desmadrado.

Es una cosa sabida, vox populi, que el vertedero de Urteta trabaja sin licencia, se llevan muchas más toneladas de basuras que las permitidas, que las instalaciones son tercermundistas, los canales para lixiviados, las chimeneas para el metano…. todo eso es sabido y tolerado por el Ayuntamiento, la Mancomunidad y la Diputación.

No cumplen la ley. Pero es que eso es una constante en materia de basuras. Zarautz tampoco cumple la ley. Al tener más de 5000 habitantes debería por ley recoger todo el orgánico que generamos sus habitantes. Pero en este caso, se mira para otro lado. El Ayuntamiento, la Mancomunidad y la Diputación no cumplen la ley, ni hacen cumplir la ley.

En materia de basuras, Gipuzkoa es Nápoles. Un territorio donde por encima de la ley impera el negocio. Se les hace la boca agua cuando hablan sobre la incineradora, 500 millones de euros que saldrán del bolsillo del contribuyente para engordar las arcas de la mafia de las basuras.

El martes nosotros también estuvimos en Urteta. Estuvimos toda la mañana allí y hablamos con todos ellos. Fijamos otra reunión para el 6 de febrero, al mediodía, en la sociedad de Urteta. Después de que pasen las fiestas de Urteta. Iremos a escuchar. Creemos que todos deberíamos ir a Urteta ese día y escuchar sus quejas. Porque son nuestras basuras, aunque las sufran ellos.

Y del mismo modo creemos que todos deberíamos ir a Zubieta a escuchar su angustia. Porque saben que la incineradora va a incrementar considerablemente el riesgo de contraer graves enfermedades. Por eso, les vamos a proponer a los vecinos de Urteta que vayan a conozcer a los vecinos de Zubieta. Que se pongan en contacto entre ellos. Porque todos ellos son víctimas de un mismo negocio. Un negocio, el de las basuras, que se hace por encima de la ley y de la salud de los ciudadanos.